ХӘЙБУЛЛИН Мөхәмәт Миңлеғәлим улы
ХӘЙБУЛЛИН Мөхәмәт Миңлеғәлим улы [1.6.1956, БАССР‑ҙың Маҡар р‑ны Әхмәр а. (БР‑ҙың Ишембай р‑ны)], агроном. А.х. ф. д‑ры (2007), проф. (2010). М.Х.Хәйбуллиндың улы. БАХИ‑ны тамамлағандан һуң (1979) 1981 й. тиклем Ишембай р‑нының “Искра” к‑зында баш агроном булып эшләй. 1983 й. алып БДАУ‑ҙа: 1994 й. башлап ботаника, үҫемлектәр физиологияһы һәм селекцияһы каф. мөдире вазифаһын башҡарыусы, 1996 й. — мөдире, 2010 й. — агротехнологиялар һәм урман хужалығы ф‑ты деканы. Фәнни эшмәкәрлеге ҡый үләндәре биологияһы, а.х. культуралары һәм дарыу үҫемлектәре физиологияһы өлкәһендәге тикшеренеүҙәргә арналған. Х. тарафынан БР‑ҙың ауыл хужалығы зоналары шарттарында картуф үҫтереүҙең прогрессив алымдары һәм технологиялары эшләнә. 200‑ҙән ашыу фәнни хеҙмәт авторы.
Хеҙм.: Высокоурожайные кормовые культуры на полях Башкортостана. Уфа, 2008 (авторҙ.); Системы обработки почвы в севооборотах степных и лесостепных агроландшафтов Башкортостана. Результаты опытов и предложения производству. Уфа, 2009 (авторҙ.).
Тәрж. А.Н.Күсеев
