ЯМАШ, Бөрө р‑нындағы ауыл
ЯМАШ, Бөрө р‑нындағы ауыл, Осиновка а/с ҡарай. Район үҙәгенән К.‑Көнс. 26 км һәм Өфө т. юл ст. Т.‑Көнб. табан 130 км алыҫлыҡта Бөрө й. буйында урынлашҡан. Халҡы: 1906 й. – 1295 кеше; 1920 – 1393; 1939 – 865; 1959 – 376; 1989 – 164; 2002 – 254; 2010 — 148 кеше. Урыҫтар йәшәй (2002). Фельдшер‑акушерлыҡ пункты, клуб бар.
Ауылға 1677 й. Рәсәйҙең үҙәк губерналарынан ҡасып килгән крәҫтиәндәр (башҡа мәғлүмәттәр б‑са, батша һарайы крәҫтиәндәре) нигеҙ һала. 1763 й. 3 ир‑ат иҫәпкә алынған, 1865 й. Я. (Сатаниха) 134 йортта 886 кеше йәшәгән. Игенселек, малс‑ҡ м‑н шөғөлләнгәндәр. Сиркәү, уч‑ще булған. 1906 й. 2 сиркәү (1846 й. һәм 1904 й. төҙөлгән), земство мәктәбе, һыу тирмәне, тимерлек, шарап, 3 бакалея һәм 2 мануфактура кибете, мөгәзәй теркәлгән; ауылда улус идараһы урынлашҡан, йәрминкәләр үткәрелгән. Ф.Л. Антипин ошо ауылда тыуған.
Тәрж. Р.Ғ.Ғилманов