ЯМБАЙ, Яңауыл р‑нындағы ауыл

ЯМБАЙ, Яңауыл р‑нындағы ауыл, Байғужа а/с ҡарай. Район үҙәгенән һәм Яңауыл т. юл ст. К.‑Көнб. табан 20 км алыҫлыҡта урынлашҡан. Халҡы: 1906 й. – 534 кеше; 1920 – 629; 1939 – 468; 1959 – 406; 1989 – 179; 2002 – 126; 2010 — 124 кеше. Мариҙар йәшәй (2002).

Ауылға Уҫы даруғаһында мариҙар нигеҙ һала, 1680 й. алып билдәле. 19 б. 1‑се ярт. башлап Мендәш а. (17 б. 2‑се ярт. нигеҙләнгән) м‑н бергә иҫәпкә алынған. 1865 й. Мендәштә (Я.) 70 йортта 352 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. 2 һыу тирмәне булған.

Тәрж. Р.Ғ.Ғилманов