ЯҢҒЫҘНАРАТ, Х ә м и т, Тәтешле р‑нындағы ауыл
ЯҢҒЫҘНАРАТ, Х ә м и т, Тәтешле р‑нындағы ауыл, Яңғыҙнарат а/с үҙәге. Район үҙәгенән К.‑Көнб. 34 км һәм Көйәҙе т. юл ст. (Пермь крайы) К.‑Көнс. табан 59 км алыҫлыҡта Кесе Тибел й. (Тере Танып й. басс.) буйында урынлашҡан. Халҡы: 1906 й. — 588 кеше; 1920 — 744; 1939 — 951; 1959 — 725; 1989 — 571; 2002 — 537; 2010 — 462 кеше. Башҡорттар йәшәй (2002). Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана, мәсет бар.
Ауылға 18 б. аҙ. Бөрөөйәҙе Ирәкте улусы Иҫке Соҡор а. башҡорттары үҙ ерҙәрендә нигеҙ һала. 1795 й. 11 йортта 67 кеше йәшәгән, 1865 й. 52 йортта — 275 кеше. Малс‑ҡ, игенселек, умарт‑ҡ м‑н шөғөлләнгәндәр. Мәсет, уч‑ще, 2 һыу тирмәне булған. 1906 й. мәсет, мөгәзәй теркәлгән. Ҡ.К.Кәримов ошо ауылда тыуған.
Тәрж. Р.Ғ.Ғилманов