ЯҢЫ АТЙЕТӘР, Ауырғазы р‑нындағы ауыл

ЯҢЫ АТЙЕТӘР, Ауырғазы р‑нындағы ауыл, Батыр а/с ҡарай. Район үҙәгенән К. 14 км һәм Аҡкүл т. юл ст. Т. табан 15 км алыҫлыҡта урынлашҡан. Халҡы: 1906 й. – 744 кеше; 1920 – 877; 1939 – 647; 1959 – 562; 1989 – 452; 2002 – 407; 2010 — 372 кеше. Татарҙар йәшәй (2002). Мәсет бар.

Ауылға 1874 й. Стәрлетамаҡ өйәҙе терр‑яһында Өфө өйәҙе Иҫке Атйетәр а. (хәҙ. Ҡырмыҫҡалы р‑ны Атйетәр а.) кешеләре 2‑се Яңы Атйетәр исеме м‑н нигеҙ һала. 1896 й. 120 йортта 672 кеше йәшәгән. Игенселек, малс‑ҡ м‑н шөғөлләнгәндәр. Мәсет, мөгәзәй булған. 1906 й. мәсет, мәҙрәсә, 2 мөгәзәй теркәлгән. 30‑сы йй. Батыр (коллективлаштырыу йылдарында һәләк булған Батыр Ҡотлогилдин исеме б‑са) булараҡ иҫәпкә алынған. 50‑се йй. алып хәҙ. исемен һәм статусын йөрөтә.

М.Х.Сафин

Тәрж. Р.Ғ.Ғилманов