ЯҢЫ БАЛТАС, Саҡмағош р‑нындағы ауыл

ЯҢЫ БАЛТАС, Саҡмағош р‑нындағы ауыл, Яңы Балтас а/с үҙәге. Район үҙәгенән Көнб. 16 км һәм Бүздәк т. юл ст. Т. табан 74 км алыҫлыҡта Баҙы й. буйында урынлашҡан. Халҡы: 1906 й. — 545 кеше; 1920 — 907; 1939 — 1149; 1959 — 669; 1989 — 798; 2002 — 749; 2010 — 820 кеше. Татарҙар, башҡорттар йәшәй (2002). Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана, мәсет бар.

Ауылға 1816 й. һәм 1833 й. араһында Бәләбәй өйәҙе Ҡыр‑Йылан улусы башҡорттарының аҫаба ерҙәрендә керҙәшлек килешеүе б‑са Бөрө өйәҙе Балтас а. (хәҙ. Дүртөйлө р‑ны Иҫке Балтас а.) кешеләре нигеҙ һала. 1865 й. 64 йортта 396 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. Мәсет булған. 1906 й. ш. уҡ мөгәзәй, бакалея кибете теркәлгән.

Тәрж. Р.Ғ.Ғилманов