ХӘСӘНОВА Винира Ғиниәт ҡыҙы
ХӘСӘНОВА Винира Ғиниәт ҡыҙы (15.2.1948, БАССР‑ҙың Ҡыйғы р‑ны Үрге Ҡыйғы а.), актриса. БР‑ҙың халыҡ (2005) һәм атҡ. (1993) артисы. Театр эшмәкәрҙәре союзы ағзаһы (1982). ӨДСИ‑не тамамлағандан һуң (1974; Р.М.Әйүпов курсы) 2012 й. тиклем Салауат драма театры актрисаһы.
Актрисаға дәртлелек, тәьҫирлелек хас, геройҙарын аныҡ характеристикалар м‑н сағылдыра. Репертуары күбеһенсә драматик яҡтан көсөргәнешле: Анника [Э.Раннеттың “Юлдан яҙған бала” (“Блудный сын”) пьесаһы б‑са “Юғалған яҙмыш” спектакле], Ғәлиә (“Таштуғай”, Ф.М.Бүләков), Зөмрәт (“Нәркәс”, И.Х.Йомағолов); психологик яҡтан ҡатмарлы ролдәрҙән тора: Миләүшә (“Миләш‑Миләүшә”), Рәғилә (“Зәйтүнгөл”; икеһе лә — Н.Асанбаев), Ҡәҙриә (“Ун өсөнсө председатель”, А.Х.Абдуллин). Х. комик ролдәре халыҡ юморы, көнкүреш деталдәрен урынлы ҡулланыу м‑н айырыла: Бибиғәйшә (“Ҡыйыу ҡыҙҙар”, Т.Ғиззәт; дебют, 1974), Фатима (“Бабай урлау” һәм “Әбейҙәргә ни етмәй”; икеһе лә — Бүләков), Фәрихә (“Ендәрем, өйҙәштәрем”, Р.М.Кинйәбаев), Әбей [С.Л.Лобозеровтың “Сит кеше менән ғаилә портреты” (“Семейный портрет с посторонним”) пьесаһы б‑са “Аҫты өҫкә килгән донъя” спектакле] һ.б.
З.В.Сәйфуллина
Тәрж. Г.Һ.Ризуанова