ЯҢЫ БУРА, Краснокама р‑нындағы ауыл

ЯҢЫ БУРА, Краснокама р‑нындағы ауыл, Яңы Бура а/с үҙәге. Район үҙәгенән К.‑Көнс. 57 км һәм Нефтекама т. юл ст. К.‑Көнс. табан 50 км алыҫлыҡта Үле Танып й. (Ағиҙел й. ҡушылдығы) буйында урынлашҡан. Халҡы: 1939 й. – 351 кеше; 1959 – 726; 1989 – 564; 2002 – 610; 2010 — 593 кеше. Мариҙар йәшәй (2002). Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана бар.

Ауылға 20 б. 20‑се йй. башында Бөрө кантоны терр‑яһында ш. уҡ кантондың Бура а. (хәҙ. Иҫке Бура а.) кешеләре нигеҙ һала. 1925 й. 58 йорт теркәлгән.

Тәрж. Р.Ғ.Ғилманов