ЧАНЫШЕВТАР, дворяндар нәҫеле
ЧАНЫШЕВТАР, дворяндар нәҫеле. Нәҫелде башлап ебәреүсе — Жаныш (Чаныш) мырҙа. 17 б. 1-се ярт. Ҡасим ханлығында хеҙмәт итә. 18 б. 50-се йй. Ч. нәҫеле вәкилдәре Воронеж губ. Ырымбур губернаһына күсеп килә. Пётр I 1713 й. 3 нояб. указы б-са мосолман мырҙалары м-н бергә Ч. дворянлыҡтан мәхрүм ителә. Императрица Екатерина II 1784 й. 22 февр. һәм 1796 й. 15 майындағы исемле указдары б-са уларға дворян дәрәжәһе кире ҡайтарыла. Билдәлеләре: Ибраһим Биктимер улы Ч., прапорщик. Титулярный советник. 1777 й. Нуғай даруғаһы Тамъян улусы аҫаба башҡорттарынан ер һатып ала; уның туғаны Мостафа Биктимер улы Ч., Крәҫтиәндәр һуғышын (1773—75) баҫтырыуҙа ҡатнашыусы. Ибраһим Биктимер улы Ч. улы — Сөләймән Ибраһим улы Ч. (суҡындырылғандан һуң Владимир Александрович Ч.), капитан (1821). 1806 й. алып Ырымбур гарнизон полкында хеҙмәт итә. 4-се дәрәжә Изге Георгий орд. м-н бүләкләнгән.
18 б. Ч. нәҫеле Ырымбур губернаһының дворян нәҫел тарихы китабының 4-се киҫәгенә яҙылған. Шулай уҡ Р.Р.Чанышев, Я.Й. Чанышев, Ф.Ғ.Чанышева Ч. нәҫеленә ҡарай.
Ә.Ғ.Тереғолов
Тәрж. М.Х.Хужин