ЧАПЛИЦ Владимир Николаевич
ЧАПЛИЦ Владимир Николаевич (18.5.1874, Полтава губ. Ромны ҡ. — 1949, Өфө), архитектор. БАССР-ҙың атҡ. сәнғәт эшмәкәре (яҡынса 1948). Архитекторҙар союзы ағзаһы (1935). Гражданлыҡ инженерҙары ин-тын тамамлағандан һуң (1899) Рәсәй ЭЭМ-ының Техник-төҙөлөш ком-ты (икеһе лә — С.-Петербург) инженеры, 1899—1917 йй. Өфө губ. һәм Турғай өлк. уҡыу һәм һаулыҡ һаҡлау учреждениелары биналарын төҙөүҙә куратор була. 1907 й. алып Өфөлә йәшәй. 1918 й. башлап архитектура һәм төҙөлөш идаралығы органдарында эшләй: 1935 й. алып РСФСР Дәүләт контроленең БАССР төҙөлөшө б-са идаралығы нач. урынбаҫары, 1939 й. — БАССР ХКС-ының капиталь төҙөлөш б-са консультанты, 1946 й. — “Башпроект” (ҡара: “Башкиргражданпроект”) проектлау-планлаштырыу тресының архитектура-проект секторы нач.; бер үк ваҡытта 1924— 30 йй. Өфө урман техникумында уҡыта.
1900—17 йй. Ч. тарафынан байтаҡ проекттар эшләнгән, улар б-са Өфө, Пермь, Ырымбур губ. 20-нән ашыу йәмәғәт һәм торлаҡ бина, ш. иҫ. Өфө уҡытыусылар институты, реаль уч-ще (Бәләбәй ҡ.), ҡыҙ балалар гимназияһы (Стәрлетамаҡ ҡ.) биналары төҙөлгән, Коммерция училищеһы, Благовещен уҡытыусылар семинарияһы биналары һ.б. реконструкцияланған. 1920—30 йй. Башҡортостанда төҙөлөш проекттарына экспертиза үткәргән. БАССР Архитекторҙар союзын ойоштороусыларҙың береһе. Ҡулға алынған (1919 й. мартынан 1920 й. ғин. тиклем төрмәлә ултырған).
Әҙәб.: Донгузов К.А. Союз архитекторов Республики Башкортостан: история и современность. Уфа, 1998; Строительный комплекс Республики Башкортостан. Уфа, 2004.
А.Е.Григорьева
Тәрж. Г.Һ.Ризуанова