ЧЕБОТАРЁВ Илья Егорович
ЧЕБОТАРЁВ Илья Егорович (2.8. 1929, Үҙәк Черноземье өлк. Берёзовка а. — 2.5.1982, Горький ҡ.), ветеринар врач. Ветеринария ф. д-ры (1967), проф. (1968). Һарытау зооветеринария ин-тын тамамлаған (1953). 1956 й. алып Семипалатинск зоотехния-ветеринария ин-тында эшләй. 1961 й. башлап БАХИ-ла (1966 й. — ветеринария ф-ты деканы), 1969 й. — Воронеж а.х. ин-тында (1971—79 йй. ветеринария ф-ты деканы). Фәнни эшмәкәрлеге йылҡы итенең сифат составын өйрәнеүгә һәм ветеринария-санитария экспертизаһына, уның производствоһын һәм ҡиммәтле аҙыҡ продукты булараҡ рациональ ҡулланылышын арттырыуға арналған. Ч. тарафынан салыу һәм түшкәләрҙе эшкәртеү технологияһы камиллаштырылған. 70-тән ашыу фәнни хеҙмәт авторы.
Хеҙм.: Ветеринарно-санитарная экспертиза продуктов убоя при ринэстрозе, онхоцеркозе и параскаридозе лошадей //Труды Башкирского сельскохозяйственного института. Уфа, 1969. Т.14.
У.Ғ.Ҡадиров
Тәрж. Г.А.Миһранова
