ЧЕВЕРЁВ Александр Михайлович
ЧЕВЕРЁВ Александр Михайлович (6.11.1889, Ырымбур губ. ш. уҡ исемле өйәҙе Берда казактар отрубы — 2.10.1921, Өфө), революция хәрәкәте эшмәкәре. 1908 й. алып РСДРП ағзаһы. Граждандар һуғышында ҡатнашыусы. Ырымбур ҡала уч-щеһын тамамлаған. Өфөлә И.И.Гутман з-дында, Әстерхан ҡ. грузчик, Донбасста — шахтёр, Чита т. юл оҫтаханаларында слесарь булып эшләй. Революцион йөкмәткеле листовкалар һәм әҙәбиәт таратыуҙа ҡатнаша. РСДРП-ның Чита ком-ты хәрби дружинаһы ағзаһы. 1914 й. алып Эҫем з-дында слесарь. Февраль революцияһынан һуң РСДРП(б)-ның Эҫем ком-ты, Минйәр округ ком-ты президиумы, 1917 й. июненән Өфө ком-ты, Өфө эшсе һәм һалдат депутаттары советының башҡарма ком-ты, Ҡораллы халыҡ хәрби ойошмаларының Өфө губерна штабы ағзаһы. Өфө губерна ғәҙәттән тыш комиссияһы ҡарамағындағы революцияға ҡаршы сығыштарҙы баҫтырыу б-са Ҡораллы халыҡ хәрби ойошмаларының махсус отряды командиры. 1918 й. Бәләбәй, Өфө һәм Стәрлетамаҡ өйәҙҙәрендә крәҫтиәндәр сығыштарын [ҡара: Крәҫтиәндәр күтәрелеше (1918—21)] баҫтырыуға етәкселек итә. Ағиҙел-Кама һыу бассейнының һаҡсылар ғәскәре командующийы. 1919 й. дек. алып РСФСР-ҙың Айырым эске һаҡ ғәскәрҙәре, 1920 й. башлап Эске хеҙмәт ғәскәрҙәренең 27-се уҡсылар бригадаһы, 1921 й. — 101-се уҡсылар бригадаһы ком., Әзербайжан ССР-ының Мәскәүҙәге хәрби вәкиле, сент. башлап РСФСР-ҙың Алыҫ Көнсығыш республикаһындағы хәрби вәкиле. Ҡыҙыл Байраҡ орд. м-н бүләкләнгән (1918).
Е.П.Асабин
Тәрж. М.Х.Хужин
