ЧЕРДАНЦЕВ Александр Алексеевич

ЧЕРДАНЦЕВ Александр Алексеевич (15.11.1871, Пермь губ. Лисвяный Приискыһы ҡсб — 16.7.1943, Өфө), библиограф, провизор. Мәскәү ун-тының мед. ф-тын тамамлағандан һуң (1899) Үрге Исәт з-дында (Екатеринбург ҡ.), 1915 й. алып Император Кешене яратыу ком-тында дарыухана мөдире. 1917 й. башлап Өфө губерна музейы (ҡара: Милли музей) ком-ты рәйесе, 1919— 31 йй. (өҙөклөк м-н) губерна санитария бүлегенең фарм. часы мөдире (Өфө), 1922—25 йй. Өфө художество музейы (ҡара: Нестеров М.В. исемендәге художество музейы) мөдире, 1932—42 йй. Китап палатаһы хеҙм-ре. Ч. тарафынан Китап палатаһы, В.И.Ленин ис. СССР Дәүләт китапханаһы (Мәскәү), М.Е. Салтыков-Щедрин ис. Дәүләт халыҡ китапханаһы (Ленинград) материалдары б-са белешмә-тыуған яҡты өйрәнеү картотекаһы төҙөлә. “Урал библиографик һүҙлеге”н (“Уральский библиографический словарь”; баҫылмаған, ҡулъяҙма Екатеринбург, Пермь ҡҡ. дәүләт архивтарында һаҡлана), “1917 йылға тиклем Өфө губернаһы ваҡытлы матбуғаты библиографияһы”н (“Библиография периодической печати Уфимской губернии до 1917 года”; баҫылмаған) булдырыу инициаторы һәм төҙөүселәренең береһе. 1929—31 йй. “Хозяйство Башкирии” (“Башҡортостан хужалығы”) ж. тыуған яҡты өйрәнеү б-са библиография нәшер итә. 100-ҙән ашыу фәнни хеҙмәт авторы. Урал тәбиғәт белемен яратыусылар йәмғиәте ағзаһы (1900).

Ю.В.Ергин

Тәрж. Ф.Ә.Ҡылысбаев