ЧЕРЕПАХИН Сергей Павлович
ЧЕРЕПАХИН Сергей Павлович [1.10.1923, БАССР-ҙың Бөрө кантоны Байҡы а. (БР-ҙың Ҡариҙел р-ны) — 4.2.1989, Өфө, БАССР-ҙың Дыуан р-ны Октябрьский ҡсб ерләнгән], Советтар Союзы Геройы (1945). Б.В. һуғышында ҡатнашыусы. 1942 й. июненән Көньяҡ-Көнбайыш, 3-сө Украина һәм 1-се Белоруссия фронттарында хеҙмәт итә. Герой исеменә 8-се гвардия армияһының 74-се гвардия уҡсылар див. 240-сы гвардия уҡсылар полкының пулемёт расчёты ком. гвардия сержанты Ч. 1945 й. 19 ғин. Лодзь ҡ., 23 февр. Познань ҡ. (икеһе лә — Польша) янындағы алыштарҙа күрһәткән батырлығы өсөн лайыҡ була. Демобилизациянан һуң (1947) Дыуан р-нында Йүрүҙән урман сәнәғәте хужалығында эшләй, 1957 й. алып күсмә электростанциялар электромеханигы; 1970—83 йй. Октябрьский ҡ. урман пунктының стационар электростанцияһында эшләй. Ленин (1945), 1-се дәрәжә Ватан һуғышы (1985), 3-сө дәрәжә Дан (1945) орд. м-н бүләкләнгән. Тыуған ауылында Ч. уҡыған урта мәктәп бинаһына мемориаль таҡтаташ ҡуйылған, Дыуан р-нының Мәсәғүт а. урамға уның исеме бирелгән.
Н.И.Черепанова
Тәрж. М.Х.Хужин