ЧЕРНОВА Виктория Владимировна

ЧЕРНОВА Виктория Владимировна (30.12.1981, Өфө), спортсы. Еңел атлетика б-са Рәсәйҙең халыҡ-ара класлы спорт мастеры (1998), Рәсәйҙең атҡ. спорт мастеры (2001). БР-ҙың күренекле спортсыһы (2001). Өфөнөң 20-се ДЮСШ һәм “Луч” күреү б-са инвалидтарҙың спорт- тергеҙеү үҙәге тәрбиәләнеүсеһе (тренеры И.С.Романов). 800 һәм 5000 м йүгереүҙә Паралимпия уйындарының бронза призёры (2000). Күреү б-са спортсы-инвалидтар араһында 800; 1500; 3000 һәм 5000 м йүгереүҙә күп тапҡыр Рәсәй чемп. (1995—2010), 5000 м йүгереүҙә Бөтә донъя инвалидтар уйындарының көмөш призёры (2003), Европа чемпионаттарының көмөш (1997, 2003) һәм бронза (1997, 2003) призёры, донъя чемпио­наттарының бронза призёры (1998, 2002). Үҫмер спортсылар араһында донъя чемп. (2 тапҡыр, 1997). Ҡыҙҙар араһында Европа чемп. (1994). Паралимпия уйындарында ҡатнашыусы (2004, 2006). Рәсәй йыйылма командаһы ағзаһы (1997 й. алып). 2-се дәрәжә “Ватан алдында күрһәткән хеҙмәттәре өсөн” орд. миҙалы м-н бүләкләнгән (2002).

Тәрж. Г.А.Миһранова