ЧЕРНЯЕВ Давыд Александрович

ЧЕРНЯЕВ Давыд Александрович (10.9.1907, Гурьев ҡ. — 4.2.1973, Өфө), хужалыҡ эшмәкәре. БАССР-ҙың атҡ. нефтсеһе (1967). И.М.Губкин ис. Мәскәү нефть ин-тын (1937), Нефть сәнәғәте акад. (Мәскәү, 1952) тамамлаған. 1919 й. алып Гурьев, Ырымбур ҡҡ.; 1937 й. башлап (өҙөклөк м-н) Каспий — Орск нефть үткәргесендә эшләй: баш инженер, 1944 й. алып дир.; 1942—44 йй. “Центроспецстрой” тресында (икеһе лә — Гурьев) баш инженер. 1946 й. башлап Туймазы — Өфө нефть үткәргесе төҙөлөшө дир., 1947 й. алып Урал-Себер магистраль нефть үткәргестәре идаралығында (Өфө) идарасы, 1948—50 йй. һәм 1952—70 йй. начальник. БАССР-ҙа, Ҡаҙаҡ ССР-ында, ш. уҡ Себерҙә нефть үткәргестәр һәм нефть продукттарын үткәргестәр төҙөлөшөн ойоштороусыларҙың береһе. Ч. етәкс. Ишембай — Орск, Ҡалтасы — Саҡмағош — Салауат, Туймазы — Өфө — Омск, Шкапов — Ишембай, Шкапов — Собханғол һ.б. нефть үткәргес участкалары төҙөлгән һәм файҙаланыуға тапшырылған. Ленин (1966), Хеҙмәт Ҡыҙыл Байраҡ (1948, 1953, 1959), “Почёт Билдәһе” (1942) орд. м-н бүләкләнгән. Ч. исеме Урал­ Себер магистраль нефть үткәргестәре ААЙ-ына бирелгән.

Т.П.Лелюх

Тәрж. А.Н.Күсеев