Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЧИБРИКОВА Евгения Васильевна

Просмотров: 460

ЧИБРИКОВА Евгения Васильевна (9.12.1923, Тамбов ҡ. — 13.3.2013, Өфө), геолог. Геол.-минералогия ф. д-ры (1982). Һарытау ун-тын тамамлағандан һуң (1946) шунда уҡ эшләй, 1947 й. алып Геология һәм тупраҡ ғилеме ҒТИ-нда (Һарытау ҡ.) өлкән ғилми хеҙм-р. 1951 й. башлап Геология ин-тында: 1953 й. алып өлкән, 1986 й. — баш ғилми хеҙм-р. Фәнни эшмәкәрлеге үҫемлектәрҙең спораларын һәм акритархаларҙы (фитопланктон төрҙәре) тикшереү нигеҙендә аҫҡы һәм урта палеозойҙың биостратиграфияһына, Уралдың һәм Көнсығыш Европа платформаһының геол. төҙөлөшөн өйрәнеүгә бәйле. Ч. — үҫемлектәрҙең споралары б-са девонды зоналарға бүлеү шкалаһын төҙөүселәрҙең береһе. Көньяҡ Урал, Көнсығыш Европа платформаһы девонының стратиграфик схемалары (1968, 1980, 1990, 1993); 1:200000 масштаблы Волга буйы геол. карталары (1952) авторҙашы. 200-ҙән ашыу фәнни хеҙмәт авторы. Ҡ.Р. Тимерғәзин ис. пр. лауреаты (2003).

Хеҙм.: Стратиграфия девонских и более древних палеозойских пород Южного Урала и Приуралья (по растительным микрофоссилиям). М., 1977; Потенциально нефтегазоносные отложения ордовика—раннего девона на юго-востоке Русской платформы //Геология нефти и газа. 2002. №5 (авторҙ.); Middle and Upper Devonian Miospore Zonation of Eastern Europe //Bulletin des Centres de Recherches Exploration-Production elf aquitaine. 1993. Vol.17. №1 (авторҙ.).

Тәрж. Э.М.Юлбарисов

Дата публикации: 10.10.2019
Дата последнего обновления публикации: 12.11.2019