ЧИШМИНСКИЙ ШИРОКОКОЛОСЫЙ 6, арышбаш сорты

ЧИШМИНСКИЙ ШИРОКОКОЛОСЫЙ 6, арышбаш сорты. 1948 й. Х.Н.Фәтҡуллин (Башҡ-н дәүләт селекция ст.) тарафынан Түб. Волга буйы арышбашы өлгөһөнән төркөм һайлап алыу ысулы м-н сығарыла. Сорт һыубаҫар болон экологик төркөмөнә ҡарай. Һабағының бейеклеге 50—70 см, төҙ, һығылмалы. 35 — 40%-ын япраҡ ҡаплаған. Күп һабаҡлы ҡыуаҡ. Япрағы киң ҡыяҡ, уртаса ҙурлыҡта, һоро-йәшел төҫтә. Сәскәлеге — күп сәскәле башаҡсаларҙан торған ҡырлы башаҡ. Бөртөксәһе оҙонса. Орлоғо һарғылт йәшел йәки һорғолт һары. 1000 орлоғоноң ауырлығы 2 г. Ҡышҡы һыуыҡҡа, ҡоролоҡҡа сыҙамлы, уртаса өлгөрөүсе сорт. Яҙ көнө үҫеп сыҡҡандан алып беренсе сабыуға тиклем вегетация осоро 60 — 70 көн, орлоҡтары өлгөргәнгә тиклем — 90 —100 көн. Уңдырышлылығы (ц/га): йәшел масса — 170, бесән — 18, орлоҡ — 4; 100 кг йәшел масса составында (башаҡланыу фазаһында) 23 мал аҙығы берәмеге, 4 кг үҙләштерелеүсе протеин бар, 100 кг бесәндә — ошоға ярашлы 49 һәм 7 (Баймаҡ тәжрибә-производство хужалығы, 2000). БАССР б-са ҡулланылышҡа 1951 й. индерелгән. Урал алды дала зонаһында һәм Урал аръяғы дала зонаһында үҫтерелә.

З.М.Шәрипҡолова

Тәрж. Г.А.Миһранова