ЧУГАЕВ Александр Георгиевич
ЧУГАЕВ Александр Георгиевич (29.1.1924, Ейск ҡ. — 1990, Мәскәү), композитор, музыка белгесе, педагог. Мәскәү консерваторияһын тамамлаған (1951; Д.Д.Шостакович, Ю.А.Шапорин һәм В.Я.Шебалин класы). 1947—78 йй. Гнесиндар ис. Музыка уч-щеһында, бер үк ваҡытта 1948 й. алып Гнесиндар ис. Муз.-пед. ин-тында һәм 1979 й. башлап Мәскәү консерваторияһында уҡыта. Әҫәрҙәре араһында Концерт увертюраһы (1951), “1905 йыл” (“1905 год”) симфоник поэмаһы (1955) һәм Драматик баллада (1957; бөтәһе лә — симфоник оркестр өсөн), Оркестр м-н скрипка өсөн концерт (1962), камера-вокаль һәм камера-инструменталь әҫәрҙәр, кинофильмдарға музыка һ.б. бар. “Ҡара йөҙҙәр” (1965, Х.Ш.Заимов м-н авторҙашлыҡта, М.Ғафуриҙың ш. уҡ исемле повесы б-са Н.Г.Канин һәм Х.Ф.Мостаев либреттоһы) башҡорт балеты авторы. Фәнни хеҙмәттәре полифония мәсьәләләренә арналған.
Хеҙм.: Полифония. М., 1972 (авторҙ.); Особенности строения клавирных фуг Баха. М., 1975.
Әҙәб.: Дараган Д. Александр Чугаев. М., 1958; Махней С.И. Русские композиторы и Башкирия (к проблеме взаимодействия двух культур). Уфа, 2008.
С.И.Махней
Тәрж. Г.Һ.Ризуанова