ЧУЕВА Анна Николаевна

ЧУЕВА Анна Николаевна [22.5.1895, Курск губ. Вязовое а. — 7.7.1973, БАССР-ҙың Күмертау р-ны Ҡунаҡбай а. (БР-ҙың Көйөргәҙе р-ны)], Соц. Хеҙмәт Геройы (1966). 1929 й. алып Көйөргәҙе р-нының “Алтын башаҡ” к-зында эшләй (1937 й. башлап звено етәксеһе). Ч. звеноһы йәшелсә үҫтереүҙә юғары күрһәткестәргә өлгәшкән: шәкәр сөгөлдөрөнөң уңдырышлылығы 480 ц/га (1964), кәбеҫтәнең — 800, ҡыярҙың — 400, помидорҙың уңдырышлылығы 390 ц/га (бөтәһе лә — 1965) тәшкил иткән. РСФСР ЮС-ының 2-се, БАССР ЮС-ының 3 — 4-се саҡырылыш депутаты. Ленин орд. м-н бүләкләнгән (1949, 1966). Көйөргәҙе р-ны Молокан а. “Алтын башаҡ” к-зының элекке идараһы бинаһына Ч. мемориаль таҡтаташ ҡуйылған.

Әҙәб.: Герасимова Е. Николаевна //Герои труда Башкирии: очерки о Героях Соц. Труда. Уфа, 1970.

И.Ғ.Кәримова

Тәрж. А.Н.Күсеев