ЧУНИН Евгений Петрович
ЧУНИН Евгений Петрович [24.2. 1919, Өфө губ. Стәрлетамаҡ өйәҙе Петропавловка а. (БР-ҙың Ғафури р-ны) — 18.11.1998, Өфө], селекционер. А.х. ф. канд. (1970). БР-ҙың атҡ. а.х. хеҙм-ре (1996). Б.В. һуғышында һәм 1945 й. совет-япон һуғышында ҡатнашыусы. БАХИ-ны тамамлаған (1956). 1939—40 йй. Баймаҡ р-нының Һәүәнәк с-зында өлкән агроном, 1946 й. алып Ейәнсура р-нының Энәк с-зында баш агроном, 1952 й. — Көйөргәҙе р-нының Мораптал с-зы дир., 1955 й. — Учалы р-нының Байрамғол с-зында баш агроном. 1957 й. башлап БНИИСХ-ла: Шишмә, 1963 й. алып Ҡаҙанғол (1967 й. башлап лаб. мөдире вазифаһын башҡарыусы) тәж.-производство хужалыҡтарында баш агроном, 1972—96 йй. өлкән ғилми хеҙм-р. Фәнни хеҙмәттәре иген һәм ҡуҙаҡлы иген культуралары селекцияһына, орлоҡсолоғона һәм агротехникаһына арналған. Ч. тарафынан бойҙайҙың Башкирская 24 сорты сығарылған, БАССР-ҙа бойҙайҙың ҡаты һәм көслө сорттарын үҫтереү һәм юғары сифатлы орлоғон әҙерләү б-са тәҡдимдәр эшләнгән. 40-тан ашыу фәнни хеҙмәт авторы.
Хеҙм.: Способы посева, нормы высева семян гороха в Башкирской АССР //Зернобобовые культуры. 1964. №4; Направление, методы и результаты селекции твёрдой пшеницы в Башкирском НИИ земледелия и селекции полевых культур //Селекция, семеноводство и сортовая агротехника в Башкирии: сб. ст. Уфа, 1984.
Тәрж. А.Н.Күсеев