Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЧУРКИН Юрий Васильевич

Просмотров: 432

ЧУРКИН Юрий Васильевич (6.3. 1935, Осинники ҡ. — 1.9.1998, Өфө), химик-технолог. БР ФА-ның мөхбир ағзаһы (1995), техник ф. д-ры (1980), проф. (1986). БАССР-ҙың атҡ. фән һәм техника эшмәкәре (1989), СССР-ҙың нефть эшкәртеү һәм нефтехимия сәнәғәте отличнигы (1966), СССР-ҙың уйлап табыусыһы. Томск политехник ин-тын тамамлағандан һуң (1958) Өфө синтетик спирт з-дында эшләй. 1962 й. алып Нефтехимия производстволары ҒТИ-нда өлкән ғилми хеҙм-р, лаб. мөдире, 1973 й. — фәнни эштәр б-са дир. урынбаҫары, 1993 й. — Нефтехимия һәм катализ ин-тында фәнни эштәр б-са дир. урынбаҫары. Фәнни хеҙмәттәре кинетика, катализ һәм органик синтез технологияһы, фенолдар, ароматик поликарбон к-талары һәм ангидридтар химияһы өлкәһендәге тикшеренеүҙәргә арналған. Ч. етәкс. 2-этилгексанол (Северодонецк химия комб-тына индерелгән), крезол изомерҙарын, ксиленол, триметилфенол, пиромеллит диангидридын етештереү технологиялары эшләнгән. Түб. Тагил пластик массалар з-дында фенолды метил спирты м-н алкиллаштырып о-крезолды һәм 2,6-ксиленолды бергә алыуҙы, КПСС-тың 22-се съезы ис. Өфө НЭЗ-ында пиромеллит диангидридын сығарыуҙы сәнәғәт күләмендә ойошторған. 200-ҙән ашыу фәнни хеҙмәт һәм 50 уйлап табыу авторы. СССР МС-ы пр. лауреаты (1970).

Хеҙм.: Фенолы. М., 1974 (авторҙ.).

У.М.Джемилев

Тәрж. Р.Ғ.Ғилманов

Дата публикации: 10.10.2019
Дата последнего обновления публикации: 12.11.2019