Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ХАЛЫҠ ҠОРАЛДАРЫ МИЛЛИ ОРКЕСТРЫ

Просмотров: 672

ХАЛЫҠ ҠОРАЛДАРЫ МИЛЛИ ОРКЕСТРЫ. 2001 й. Башҡорт филармонияһы эргәһендә БР Х.ҡ.м.о. булараҡ ойошторола, тәүге концерты 2001 й. 1 окт. була. 1-се художество етәксеһе һәм дирижёры — Р.М.Ғәйзуллин. Оркестр репертуары: М.Х.Әхмәтов — “Башҡорт рапсодияһы” (“Баш­кирская рапсодия”), “Дуҫым Рәмилгә соло-фантазия” (“Соло-фантазия для друга Рамиля”), “Лезгинкалар сюитаһы” (“Сюита лезгинок”); Н.Ә.Дауытов —“Йәшлек увертюраһы”, А.Ключарёв көйҙәре темаһына фантазия, “Бейеү көйө” концерты, “Ҡыҙҙар бейеүе”; А.К.Кукубаев — “Һыбайлылар”, “Лирик пьеса” (“Лирическая пьеса”); И.И.Хисаметдинов — “Салауат тураһында хикәйәт” (“Сказание о Салавате”), Фп. м-н оркестр өсөн концерт пьесаһы; халыҡ музыкаһы эшкәртмәләре [Н.Я.Инякин эшкәртеүендә “Әпипә” (“Апипа”), Дауытов — “Бала ҡарға”, Әхмәтов — “Ҡолой кантон”, Хисаметдинов эшкәртеүендә “Зөлхизә” һ.б.]; татар, урыҫ, ҡаҙаҡ, үзбәк композиторҙарының әҫәрҙәре, сит ил авторҙары әҫәрҙәренең эшкәртмәләре. Х.ҡ.м.о. боронғо башҡорт, урыҫ халыҡ музыка ҡоралдарының, симфоник оркестрҙың һәм өзләүҙең тембрҙарын берләштергән уникаль яңғыраш м-н айырылып тора. Оркестр составында — ҡурай, баян, һуҡма, ҡыллы-һыҙғыслы (ҡыл ҡумыҙ, скрипка, альт, виолончель, контрабас) һәм сиртмә (думбыра, домра, балалайка-бас) ҡоралдар, ш. уҡ — ҡумыҙ, хайран, чоор (ҡырғыҙҙарҙың буйға һуҙылған флейтаһы). 2007 й. репертуар Х.ҡ.м.о. өсөн ижад ителгән үҙенсәлекле әҫәрҙәр м-н тулылана. Оркестр м-н дирижёрҙар РСФСР-ҙың халыҡ артисы Н.Н.Калинин, РСФСР-ҙың, СССР-ҙың халыҡ артисы Н.Н.Некрасов, РФ-тың халыҡ артисы Д.Д. Хохлов, композиторҙар РФ-тың атҡ. сәнғәт эшмәкәре Е.П.Дербенко, А.Т. Кәримов, А.М.Ҡобағошов, С.Ә.Низаметдинов, йырсылар Ф.Х.Бикбулатов, В.Ә.Йәләлетдинов, Ф.Ә. Килдейәрова һ.б. эшмәкәрлеге бәйле. “Европа — Азия” халыҡ-ара халыҡ ҡоралдары оркестрҙары һәм ансамблдәре фестиваль-конкурсы (Магнитогорск ҡ.,2007), “Жубанов яҙы”(“Жубановская весна”) Ә.Жубанов ис. халыҡ ҡоралдары оркестрҙары фестивале (Аҡтүбә ҡ., Ҡазағстан, 2008; икеһе лә — Гран-при), Бөтә Рәсәй халыҡтарының милли ҡоралдары оркестрҙары һәм ансамблдәре фестиваль-конкурсы (Ҡазан, 2006; Мәскәү, 2007) лауреаты. Дирижёрҙар: БР-ҙың атҡ. мәҙәниәт хеҙм-ре Р.З.Әхмәтйәнов, Ғәйзуллин, Л.Т.Дәүләтбаев (2016 й. алып художество етәксеһе).

Э.Ә.Әхмәтшина

Тәрж. Г.Һ.Ризуанова

Дата публикации: 10.10.2019
Дата последнего обновления публикации: 12.11.2019