Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ХАЛЫҠ ТЕАТРЫ (Өфөләге)

Просмотров: 417

ХАЛЫҠ ТЕАТРЫ. Өфөлә урынлашҡан. 1982 й. “Нефтсе” мәҙәниәт һарайының Х.т. булараҡ ойошторола, 2011 й. алып “Өсөнсө быуын” (“Третье поколение”) халыҡ театры (театрға нигеҙ һалыусы һәм 1-се художество етәксеһе П.А.Шеиндың исеме бирелә). 1985 й. башлап “халыҡ” исемен йөрөтә. Тәүге постановка – Н.И.Мирошниченконың “Өсөнсө быуын”әҫәре.1982—2013 йй. театрҙа 80-дән ашыу спектакль ҡуйыла: С.А.Есенин поэмаһы б-са “Анна Снегина”, А.М.Володиндың “Ғайса пәйғәмбәрҙең әсәһе” (“Мать Иисуса”), А.Н.Арбузовтың “Минең меҫкен Маратым” (“Мой бедный Марат”), Б.Шоуҙың “Пигмалион”, Шолом- Алейхем әҫәрҙәре б-са Г.И.Гориндың “Иҫкә алыу доғаһы” (“Поминальная молитва”), А.А.Цагарелиҙың “Ханума” пьесаһы б-са “Хануманың мутлыҡтары” (“Проделки Ханумы”), И.В.Штоктың “Шайтан тирмәне” (“Чёртова мельница”) һ.б. Составына И.Б.Белов, С.В.Корнилова, М.А. һәм Ю.А. Никульченколар, В.А.Улитин, А.М.Ходорев, М.К.Шәйҙуллин һ.б. инә. Спектаклдәрҙе БР-ҙың атҡ. мәҙәниәт хеҙм-рҙәре О.А.Буслаева һәм Ю.Г.Стульников (2008 й. алып художество етәксеһе), Шеин һ.б. ҡуя, художество биҙәлеште В.И.Плекунов, А.И.Кореликов һ.б. башҡара.

З.В.Сәйфуллина

Тәрж. Р.Р.Абдрахманов

Дата публикации: 10.10.2019
Дата последнего обновления публикации: 12.11.2019