ЯҢЫ ИЛЕК, Баҡалы р‑нындағы ауыл

ЯҢЫ ИЛЕК, Баҡалы р‑нындағы ауыл, Киләй а/с ҡарай. Район үҙәгенән Т.‑Көнс. 20 км һәм Туймазы т. юл ст. Т.‑Көнс. табан 95 км алыҫлыҡта Сөн й. буйында урынлашҡан. Халҡы: 1906 й. – 657 кеше; 1920 – 804; 1939 – 814; 1959 – 720; 1989 – 452; 2002 – 429; 2010 — 369 кеше. Керәшендәр йәшәй (2002). Төп мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана бар.

Ауылға 19 б. 1‑се ярт. Бәләбәй өйәҙе терр‑яһында ш. уҡ өйәҙҙең Илек а. (хәҙ. Иҫке Илек а.) кешеләре нигеҙ һала. Шулай уҡ Яҡтыкүл исеме м‑н билдәле булған. 1865 й. 46 йортта 327 кеше йәшәгән. Игенселек м‑н шөғөлләнгәндәр. Һыу тирмәне булған. 1906 й. министрлыҡ мәктәбе, бакалея кибете, һыу тирмәне, мөгәзәй теркәлгән; шөғөлдәр араһында ылаусылыҡ булған. Е.Ф. Кириллова ошо ауылда тыуған.

Тәрж. Р.Ғ.Ғилманов