ЯҢЫ ҠАБАН, Краснокама р‑нындағы ауыл
ЯҢЫ ҠАБАН, Краснокама р‑нындағы ауыл, Яңы Ҡабан а/с үҙәге. Район үҙәгенән К.‑Көнб. 60 км һәм Нефтекама т. юл ст. К.‑Көнб. табан 53 км алыҫлыҡта урынлашҡан. Халҡы: 1906 й. – 1173 кеше; 1920 – 1411; 1939 – 1582; 1959 – 1136; 1989 – 1160; 2002 – 819; 2010 – 926 кеше. Башҡорттар, татарҙар йәшәй (2002). Урта мәктәп‑интернат, балалар баҡсаһы, балалар һәм үҫмерҙәр өсөн соц. приют, участка дауаханаһы, мәҙәниәт йорто, китапхана, мәсет бар.
Ауылға 1839 й. Бөрө өйәҙе Гәрә улусы Ҡабан/Иҫке Ҡабан а. башҡорттары үҙ ерҙәрендә нигеҙ һала. 1865 й. 71 йортта 655 кеше йәшәгән. Игенселек, малс‑ҡ, тоҡ тегеү м‑н шөғөлләнгәндәр. Уч‑ще, һыу тирмәне булған. 1906 й. мәсет, 4 ел тирмәне, 3 бакалея һәм 2 мануфактура кибете, 2 мөгәзәй теркәлгән. Ауыл эргәһендә Яңы Ҡабан ҡаласығы урынлашҡан. Л.Т.Ғилметдинова ошо ауылда тыуған.
Тәрж. Р.Ғ.Ғилманов