ЯҢЫ ҠОРМАШ, Кушнаренко р‑нындағы ауыл
ЯҢЫ ҠОРМАШ, Кушнаренко р‑нындағы ауыл, Иҫке Ҡормаш а/с ҡарай. Район үҙәгенән К.‑Көнб. 18 км һәм Өфө т. юл ст. Т.‑Көнб. табан 76 км алыҫлыҡта Көҙөшлө й. (Ағиҙел й. ҡушылдығы) тамағында урынлашҡан. Халҡы: 1906 й. — 627 кеше; 1920 — 730; 1939 — 625; 1959 — 450; 1989 — 286; 2002 — 204; 2010 — 201 кеше. Татарҙар йәшәй (2002). Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана, мәсет бар.
Ауылға 1873 й. һәм 1896 й. араһында Өфөөйәҙе терр‑яһында ш. уҡ өйәҙҙең Ҡормаш а. (хәҙ. Иҫке Ҡормаш а.) кешеләре нигеҙ һала. 1896 й. 81 йортта 513 кеше йәшәгән. Игенселек, малс‑ҡ м‑н шөғөлләнгәндәр. Мәсет, ярма ярғыс булған. 1906 й. мәсет, бакалея кибете, мөгәзәй теркәлгән. Р.Ә.Ғәлләмов ошо ауылда тыуған.
Тәрж. Р.Ғ.Ғилманов