ЯҢЫ МАСҠАРЫ, Балаҡатай р‑нындағы ауыл
ЯҢЫ МАСҠАРЫ, Балаҡатай р‑нындағы ауыл, Билән а/с ҡарай. Район үҙәгенән Т.‑Көнс. 34 км һәм Наҙыпетровск т. юл ст. (Силәбе өлк.) К.‑Көнб. табан 48 км алыҫлыҡта Масҡары й. (Өфө й. ҡушылдығы) буйында урынлашҡан. Халҡы: 1920 й. — 587 кеше; 1939 — 519; 1959 — 311; 1989 — 162; 2002 — 124; 2010 — 119 кеше. Башҡорттар йәшәй (2002). Башланғыс мәктәп (Билән урта мәктәбе филиалы), фельдшер‑акушерлыҡ пункты бар.
Ауылға 19 б. 1‑се ярт. Красноуфимск өйәҙе Бала‑Ҡатай улусы Масҡары а. (хәҙ. Иҫке Масҡары а.) башҡорттары үҙ ерҙәрендә нигеҙ һала. Шулай уҡ Әңгәсәк исеме м‑н билдәле булған. 1865 й. 32 йортта 149 кеше йәшәгән. Малс‑ҡ, игенселек м‑н шөғөлләнгәндәр.
Х.Ғ.Байморатова, Ә.З.Әсфәндиәров
Тәрж. Р.Ғ.Ғилманов