ЯҢЫ МӨСӘТ, А л а ҡ у я н б а ш ы, Бөрйән р‑нындағы ауыл
ЯҢЫ МӨСӘТ, А л а ҡ у я н б а ш ы, Бөрйән р‑нындағы ауыл, Иҫке Собханғол а/с ҡарай. Район үҙәгенән Т.‑Көнб. 13 км һәм Белорет т. юл ст. К.‑Көнб. табан 155 км алыҫлыҡта Алаҡуян й. (Ағиҙел й. ҡушылдығы) буйында урынлашҡан. Халҡы: 1900 й. — 198 кеше; 1920 — 289; 1939 — 156; 1959 — 307; 1989 — 387; 2002 — 453; 2010 — 421 кеше. Башҡорттар йәшәй (2002). Төп мәктәп (Иҫке Собханғол урта мәктәбе филиалы), балалар баҡсаһы, фельдшер‑акушерлыҡ пункты, мәҙәниәт йорто, китапхана бар.
Ауылға 19 б. 40‑сы йй. аҙ. Верхнеурал өйәҙе Бөрйән улусы Мөсәт а. (хәҙ. Иҫке Мөсәт а.) башҡорттары үҙ ерҙәрендә нигеҙ һала. Икенсе исеме гидронимдан алынған. Шулай уҡ Яңы Мөсәт, Лукьянбаш исемдәре м‑н теркәлгән. 1866 й. 37 йортта 166 кеше йәшәгән. Малс‑ҡ, игенселек м‑н шөғөлләнгәндәр. Мәсет булған.
Тәрж. Р.Ғ.Ғилманов