ЯҢЫ СЕРГИЕВКА РАЙОНЫ

ЯҢЫ СЕРГИЕВКА РАЙОНЫ, Ырымбур өлкәһенең көнбайышында урынлашҡан. 1934 й. ойошторола. Майҙаны — 4500 км². Адм. үҙәге — Яңы Сергиевка ҡасабаһы. Районда 19 ауыл советы, 69 ауыл торама пункты бар. Халҡы — 36,3 мең кеше (2010), ш. иҫ. 6,8% башҡорттар (ҡара: Ырымбур башҡорттары). Башҡорттар тупланып йәшәгән иң ҙур торама пункттар (2002): Иҫке Ғүмәр, Ҡараяр, Ҡотош, Мерәҫ, Приуранка, Түб. Ҡунаҡбай, Әхмәр, Яңы Әхмәр һ.б. Ҡотош а. “Ырымбур өлкәһе Яңы Сергиевка районы башҡорттары ҡоролтайы” (2006 й. алып), “Йәшлек” фольклор ансамбле, Әхмәр а. “Аманат” вокаль ансамбле, Мерәҫ а. “Дала ҡыңғырауҙары” балалар вокаль ансамбле эшләй. Ҡ.Ҡ.Аҙнабаев, К.А. Иҙелғужин, С.Ғ.Мирасов, Р.Л. Теләкәева, С.С.Һатыусин һ.б. ошо районда тыуған.

Тәрж. Р.Ғ.Ғилманов