ЯҢЫ ТАЙМАҪ, Көйөргәҙе р‑нындағы ауыл

ЯҢЫ ТАЙМАҪ, Көйөргәҙе р‑нындағы ауыл, Таймаҫ а/с үҙәге. Район үҙәгенән Т.‑Көнб. 35 км һәм Күмертау т. юл ст. Көнб. табан 27 км алыҫлыҡта Оло Көйөргәҙе й. (Оло Юшатыр й. ҡушылдығы) буйында урынлашҡан. Халҡы: 1959 й. — 213 кеше; 1989 — 568; 2002 — 593; 2010 — 579 кеше. Башҡорттар йәшәй (2002). Гимназия, балалар баҡсаһы, фельдшер‑акушерлыҡ пункты, мәҙәниәт йорто, китапхана, мәсет бар.

Ауылға 20 б. 30‑сы йй. Таймаҫ МТС‑ы ойошторолған ваҡытта нигеҙ һалына. 50‑се йй. тиклем Таймаҫ а. м‑н бергә иҫәпкә алынған.

Тәрж. Р.Ғ.Ғилманов