ЯҢЫ ТАУЛАР, Шаран р‑нындағы ауыл

ЯҢЫ ТАУЛАР, Шаран р‑нындағы ауыл, Аҡбарыҫ а/с ҡарай. Район үҙәгенән Т.‑Көнс. 14 км һәм Туймазы т. юл ст. Т.‑Көнс. табан 48 км алыҫлыҡта Шалтыҡ й. (Сөн й. ҡушылдығы) буйында урынлашҡан. Халҡы: 1906 й. —305 кеше; 1920 — 451; 1939 — 525; 1959 — 386; 1989 — 269; 2002 — 250; 2010 — 219 кеше. Башҡорттар, татарҙар йәшәй (2002). Фельдшер‑акушерлыҡ пункты, клуб бар.

Ауылға Бәләбәй өйәҙе Ҡаңлы улусы Таулар а. (хәҙ. Бүздәк р‑ны Иҫке Таулар а.) башҡорттары үҙ ерҙәрендә нигеҙ һала, 1786 й. алып билдәле. Шулай уҡ Шалтыҡ исеме м‑н теркәлгән. 1795 й. 17 йортта 89 кеше йәшәгән, 1865 й. 21 йортта — 125 кеше. Малс‑ҡ, игенселек м‑н шөғөлләнгәндәр. 3 һыу тирмәне булған. 1906 й. тирмән, бакалея иҫәпкә алынған.

Тәрж. Р.Ғ.Ғилманов