ЯҢЫ ТИМЕШКӘ, Ауырғазы р‑нындағы ауыл
ЯҢЫ ТИМЕШКӘ, Ауырғазы р‑нындағы ауыл, Исмәғил а/с ҡарай. Район үҙәгенән Т.‑Көнс. 24 км һәм Аҡкүл т. юл ст. Т.‑Көнб. табан 43 км алыҫлыҡта урынлашҡан. Халҡы: 1906 й. — 591 кеше; 1920 — 719; 1939 — 535; 1959 — 323; 1989 — 184; 2002 — 204; 2010 — 144 кеше. Татарҙар йәшәй (2002). Фельдшер‑акушерлыҡ пункты бар.
Ауылға 1801 й. Стәрлетамаҡ өйәҙе Меркет‑Мең улусы башҡорттарының аҫаба ерҙәрендә ш. уҡ өйәҙҙең Өршәк‑Мең улусы Тимешкә а. (хәҙ. Иҫке Тимешкә а.) кешеләре нигеҙ һала. 1865 й. Яңы Тимешкә (Түб. Тимешкә) исеме м‑н теркәлгән, 51 йортта 320 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. Мәсет, уч‑ще, һыу тирмәне булған. Шулай уҡ Яңауыл исеме м‑н билдәле булған. 1906 й. мәсет, мәҙрәсә иҫәпкә алынған.
М.С.Әминева
Тәрж. Р.Ғ.Ғилманов