ЯҢЫ ТӘТЕШЛЕ, Тәтешле р‑нындағы ауыл

ЯҢЫ ТӘТЕШЛЕ, Тәтешле р‑нындағы ауыл, Яңы Тәтешле а/с үҙәге. Район үҙәгенән К.‑Көнс. 8 км һәм Көйәҙе т. юл ст. (Пермь крайы) К.‑Көнс. табан 35 км алыҫлыҡта Ҙур Бәлзү­гә й. (Тере Танып й. басс.) буйында урынлашҡан. Халҡы: 1906 й. — 568 кеше; 1920 — 640; 1939 — 830; 1959 — 631; 1989 — 586; 2002 — 611; 2010 — 550 кеше. Удмурттар йәшәй (2002). Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто (“Шулдыр жыт” удмурт халыҡ фольклор ансамбле), китапхана бар; удмурт тарихи‑мәҙә­ни үҙәге эшләй.

Ауылға 1834 й. һәм 1859 й. араһында Бөрө өйәҙе Ҡыр‑Танып улусы башҡорттарының аҫаба ерҙәрендә ш. уҡ өйәҙҙең Үрге һәм Түб. Тәтешле аа. кешеләре нигеҙ һала. 1865 й. 112 йортта 217 кеше йәшәгән. 1906 й. земство мәктәбе теркәлгән.

Тәрж. Р.Ғ.Ғилманов