ЯҢЫ ЭТЕКӘЙ, Я ң ы Ю л д а ш, Ауырғазы р‑нындағы ауыл
ЯҢЫ ЭТЕКӘЙ, Я ң ы Ю л д а ш, Ауырғазы р‑нындағы ауыл, Батыр а/с ҡарай. Район үҙәгенән Көнс. 5 км һәм Аҡкүл т. юл ст. Т.‑Көнб. табан 21 км алыҫлыҡта Ауырғазы й. буйында урынлашҡан. Халҡы: 1906 й. — 948 кеше; 1920 — 422; 1939 — 378; 1959 — 516; 1989 — 419; 2002 — 419; 2010 — 425 кеше. Башҡорттар, татарҙар йәшәй (2002). Балалар баҡсаһы, фельдшер‑акушерлыҡ пункты, клуб, мәсет бар.
Ауылға 18 б. 30‑сы йй. Нуғай даруғаһы Меркет‑Мең улусы Меркет а. (хәҙ. Мораҙым а.) башҡорттары үҙ ерҙәрендә Дүрттояҡ исеме м‑н нигеҙ һала. 1807 й. керҙәшлек килешеүе б‑са бында типтәрҙәр, 1811 й. мишәрҙәр килеп ултырған. 19 б. 1‑се ярт. алып хәҙ. исемен йөрөтә. 1865 й. Я.Э. (Дүртүләк) 80 йортта 570 кеше йәшәгән. Малс‑ҡ, игенселек м‑н шөғөлләнгәндәр. Мәсет, уч‑ще булған. 1906 й. мәсет, мәҙрәсә, мөгәзәй теркәлгән. 50‑се йй. Я.Э. 20 б. башында нигеҙләнгән Яңы Юлдаш а. ҡушылған.
М.Х.Сафин Тәрж. Р.Ғ.Ғилманов