ЯҢЫБИРҘЕ, Саҡмағош р‑нындағы ауыл

ЯҢЫБИРҘЕ, Саҡмағош р‑нындағы ауыл, Рәжәп а/с ҡарай. Район үҙәгенән К.‑Көнб. 27 км һәм Бүздәк т. юл ст. Т.‑Көнб. табан 86 км алыҫлыҡта Кеүәш й. (Баҙы й. ҡушылдығы) буйында урынлашҡан. Халҡы: 1906 й. — 890 кеше; 1920 — 1139; 1939 — 1002; 1959 — 836; 1989 — 362; 2002 — 364; 2010 — 324 кеше. Башҡорттар, татарҙар йәшәй (2002). Башланғыс мәктәп, фельдшер‑акушерлыҡ пункты, клуб бар.

Ауылға Ҡазан даруғаһы Ҡыр‑Йылан улусы башҡорттары үҙ ерҙәрендә нигеҙ һала, 1706 й. алып билдәле (керҙәшлек килешеүе б‑са бында яһаҡлы татарҙар килеп ултырған). 1865 й. 94 йортта 568 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. Мәсет, 2 тирмән булған. 1906 й. мәсет, 2 бакалея кибете теркәлгән. 1959—89 йй. Я. Иҫке Сөрмәт а. м‑н бергә Иҫке Сөрмәт а. булараҡ иҫәпкә алынған.

Тәрж. Р.Ғ.Ғилманов