ЯР‑БИШҠАҘАҠ, Ишембай р‑нындағы ауыл
ЯР‑БИШҠАҘАҠ, Ишембай р‑нындағы ауыл, Урман‑Бишҡаҙаҡ а/с ҡарай. Район үҙәгенән Т. 7 км һәм Салауат т. юл ст. Т.‑Көнс. табан 25 км алыҫлыҡта Ағиҙел й. буйында урынлашҡан. Халҡы: 1906 й. — 418 кеше; 1920 — 396; 1939 — 447; 1959 — 435; 1989 — 468; 2002 — 504; 2010 — 539 кеше. Башҡорттар йәшәй (2002). Мәҙәниәт йорто бар.
Ауылға Нуғай даруғаһы Тәлтем‑Юрматы улусы башҡорттары үҙ ерҙәрендә нигеҙ һала, 1786 й. алып Бишҡаҙаҡ исеме м‑н билдәле. Шулай уҡ Смаҡ булараҡ теркәлгән. 1795 й. 25 йортта 196 кеше йәшәгән, 1865 й. 35 йортта — 215 кеше. Малс‑ҡ, игенселек, умарт‑ҡ, ылаусылыҡ, сабата үреү, арба һәм сана яһау, урман кәсептәре м‑н шөғөлләнгәндәр. Уч‑ще булған. 1906 й. мәсет, бакалея кибете, мөгәзәй теркәлгән. М.Ө. Хәмиҙуллин ошо ауылда тыуған.
Тәрж. Р.Ғ.Ғилманов