Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЮБИЛЕЙНЫЙ, виноград сорты

Просмотров: 727

ЮБИЛЕЙНЫЙ, ашау өсөн сығарылған виноград сорты. 1999 й. Л.Н.Стре­ляева, Н.В.Майстренко, М.Ғ.Әбдиева (БНИИСХ) тарафынан Мадлен Анжевин һәм Маленгр ранний сорттарын һеркәләндереү ысулы м‑н сығарыла. Уртаса бейеклектәге ҡыуаҡ. Япрағы уртаса ҙурлыҡта, өс һәм биш айырсалы, ныҡ теленгән, бер аҙ төклө. Сәскәһе ике енесле. Тәлгәше конус формаһында, ауырлығы 150—250 г. Емеше — еләк, ауырлығы 2,2 г, оҙонса түңәрәк, йәшел төҫтә. Шәкәр миҡдары 12,5%, органик кислота — 1,1%, С витамины — 100 г 7 мг. Ҡышҡа сыҙамлы сорт, юғары уңдырышлылыҡ һәм яҡшы тәм сифаттары м‑н айырылып тора. Уртаса уңдырышлылығы — 100 ц/га йәки бер ҡыуаҡтан 3,5 кг (Кушнаренко­ емеш‑еләк­ культуралары­ һәм­ виноград­ селекцияһы ­үҙәге, 2003—05). РФ һәм БР б‑са ҡулланылышҡа 1999 й. индерелгән, ҡаплаулы культурала бөтә ауыл­ хужалығы­ зоналарында үҫтерелә.

Тәрж.­ Г.А.Миһранова

Дата публикации: 10.10.2019
Дата последнего обновления публикации: 12.11.2019