Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ХОР КАПЕЛЛАҺЫ

Просмотров: 412

ХОР КАПЕЛЛАҺЫ. 1969 й. Башҡорт филармонияһында Башҡ-н дәүләт Х.к. булараҡ ойошторола, 1991 й. алып БР Дәүләт Х.к., 1996 й. башлап БР Дәүләт академик Х.к. 2017 й. ойоштороусыһы, тәүге художество етәксеһе һәм баш дирижёры – Т.С.Сәйфуллин ис. бирелә. Беренсе концерты 1970 й. 12 апр., Рәсәй буйлап тәүге гастролдәре 1975 й. була. Репертуарында 600-ҙән ашыу әҫәр, шулар араһында сит ил (И.С.Бах, Дж.Верди, В.А.Моцарт, К.Орф һ.б.), ватан (М.П. Мусоргский, С.В.Рахманинов, Г.В.Свиридов, Т.Н. Хренников, П.И.Чайковский, Д.Д. Шос­такович һ.б.), ш. иҫ. башҡорт композиторҙарының (М.М.Вәлиев, А.Х.Ғабдрахманов, Р.Л.Ғәби­тов, Р.Х.Ғәзизов, Н.Ә.Дауытов, Ш.Ш. Ибраһимов, З.Ғ.Исмәғилев, Л.З.Исмәғилева, Т.Ш.Кәримов, Р.Ә.Мортазин, С.Ә.Низаметдинов, Р.Н.Сабитов, Р.М.Хәсәнов, Д.Д.Хәсәншин, М.Х.Әхмәтов, Х.Ф.Әхмәтов) хор музыкаһы;“Буранбай”, “Ете ҡыҙ”, “Салауат”, “Сибай”, “Шәл бәйләнем”, “Элмәлек” һ.б. башҡорт халыҡ йырҙарының эшкәртмәләре бар. Х.к. солистары һәм төп башҡарыусылары — Н.И.Байрамғолова, Р.К.Ғарифуллин, Ф.Д.Шәйҙуллина, БАССР-ҙың атҡ. артистары Н.Ғ.Лоҡманов, Р.Х.Сабиров, Ю.В.Суханов, БР-ҙың атҡ. артистары Ғ.Ғ. Баҙамшин, Ф.Н.Биккенин, Т.А. Виноградова, В.А.Макалкин, Ф.Ғ. Мө­хәмәтова, Ф.Б.Мөхәмәтшин, Р.С.Нохова, З.Ә. Смаҡова, Ф.Ә.Шәйәхмәтов, Р.Ә.Шәрәфетдинов, БР-ҙың атҡ. мәҙәниәт хеҙм-ре М.Ш.Хәсәнова. Х.к. тарафынан Х.Ф.Әхмәтовтың “Ауыл йәштәре” хор циклы, М.Кәрим шиғырына “Россиянмын”, Ғ.Ғ. Шафиҡов шиғырына “Башҡортостан” кантаталары, М.Кәрим шиғырына “Үлемһеҙлек” вокаль-симфоник поэмаһы (бөтәһе лә – Исмәғилев), А.А.Вознесенский шиғырына “Урыҫ фрескалары” (“Русские фрески”), Э.Г.Багрицкий шиғырына “Революцияға ода” (“Ода Революции”) хор циклдары, В.В.Маяковский шиғырына “Октябрь еле” (“Октябрьский ветер”) ораторияһы (бөтәһе лә – Б.П.Кравченко), А.Г.Флярковскийҙың үҙ шиғырына “Әрмәнстан, Спитак, 1988 йыл, декабрь” (“Армения, Спитак, 1988 год, декабрь”) хор өсөн поэма-триптихы, Х.Ш.Гарданов шиғырына Б.Ғ.Мөлөковтың “Туҡай” ораторияһы һ.б. тәүге тапҡыр башҡарыла. Х.к. м-н Халыҡ ҡоралдары милли оркестры, Милли симфоник оркестр, Ҡазан, Төмән, Ульяновск, Һамар, Һарытау һ.б. ҡалаларҙың симфоник оркестрҙары; А.Ә.Абдразаҡов, С.Ә.Асҡаров, В.В.Белов, И.М.Ғәзиев, Й.Ә.Әбделмәнов, РСФСР-ҙың һәм ТАССР-ҙың атҡ. сәнғәт эшмәкәре, ТР-ҙың Ғ.Туҡай ис. Дәүләт пр. лауреаты А.З.Монасипов, В.И. Платонов, Г.С.Родионов, РСФСР-ҙың халыҡ артисы һәм атҡ. сәнғәт эшмәкәре И.В.Шпиллер һ.б. хеҙмәттәшлек итә. Х.к. Яҡут (1978), Татар (1989) АССР-ҙарында БАССР әҙәбиәте һәм сәнғәте, Сыуаш АССР-ында БАССР мәҙәниәте (1981), Мәскәүҙә БР мәҙәниәте көндәрендә (1997, 2007); Халыҡ-ара симфоник һәм хор музыкаһы фестивалдәрендә (Өфө, 1993—2002; Ырымбур ҡ., 2007), “Алябьев көҙө” (“Алябьевская осень”, Төмән, 2001), камера музыкаһы (Силәбе ҡ., 2002) фестивалдәрендә; Салауат Юлаевтың тыуыуына 250 йыл тулыуға арналған сараларҙа (Латвия, Эстония; икеһе лә – 2004), Волга буйы һәм Урал композиторҙары музыкаһы фестивалендә, “Өфөлә Шаляпин кисәләре”ндә ҡатнаша. Рәсәй буйлап гастролдәрҙә була. “Нева хор ассамблеялары” Бөтә Рәсәй фестивале (“Невские хоровые ассамблеи”, С.-Петербург, 2007) лауреаты; Бөтә Рәсәй проф. хорҙар конкурсы дипломанты (Мәскәү, 1982). Художество етәкселәре һәм баш дирижёрҙары: Сәйфуллин (1969—82, 1989—97), Ф.Х.Сәлихов (1982 й. алып), Ш.М.Бикмөхәмәтов (1985—89), В.М.Никитенков (1997 й. алып), Н.Н.Иҡсанова (2001 й. алып), И.И. Ишбирҙин (2007 й. алып), А.А.Хасбиуллина (2012 й. алып).

В.Х.Әйүпова

Тәрж. Г.Һ.Ризуанова

 

Дата публикации: 10.10.2019
Дата последнего обновления публикации: 12.11.2019