ЮЖНЫЙ УРАЛ, ҡытай шыҡтымы сорты
ЮЖНЫЙ УРАЛ, ҡытай шыҡтымы сорты. 20 б. 60‑сы йй. Л.С.Новикова (Ботаника баҡсаһы; ҡара: Ботаника баҡса‑институты) тарафынан Amabilis Superbissima һәм Avalanche сорттарын гибридлаштырыу ысулы м‑н сығарыла. Йыш ултыртылған аҙ япраҡлы ҡыуаҡ, бейеклеге 80 см тиклем. Һабағы нәҙек, антоциан төҫөндә. Япрағы уртаса оҙонлоҡта, йәшел, ялтыр, өс тапҡыр өсәрле, аҫ яҡтан бер аҙ төклө. Сәскәһе (40‑ҡа тиклем) ҡатмарлы таж япраҡлы роза формаһында, алһыу, диам. 13 см тиклем. Еҫе уртаса. Сәскә һабы ныҡлы. Июнь аҙ. сәскә ата (10—11 көн). Декоративлығы 91 балл. Емеше күп япраҡлы. Ҡышҡа, ҡоролоҡҡа сыҙамлы сорт, ауырыуҙар һәм ҡоротҡостар м‑н зарарланмай. Вегетация осоро 163 көнгә тиклем. Ҡыуаҡ бүленеү юлы, үҫеш стимуляторҙары м‑н эшкәрткәндә — йәшел һабаҡсалары (үҫемлектәрҙең сәскәгә төймәләнеү фазаһында) м‑н үрсей. БР б‑са ҡулланылышҡа 2008 й. индерелгән, көньяҡ урман‑дала зонаһында үҫтерелә.
Л.Н.Миронова,А.А.Реут
Тәрж.Г.А.Миһранова
