ЮЛАЙ, Ш ы ғ а н а й, Салауат р‑нындағы ауыл
ЮЛАЙ, Ш ы ғ а н а й, Салауат р‑нындағы ауыл, Әлкә а/с ҡарай. Район үҙәгенән К.‑Көнб. 15 км һәм Кропачёво т. юл ст. (Силәбе өлк.) Т. табан 14 км алыҫлыҡта Атнашъяҙы й. (Йүрүҙән й. ҡушылдығы) буйында урынлашҡан. Халҡы: 1906 й. — 203 кеше; 1920 — 110; 1939 — 307; 1959 — 192; 1989 — 164; 2002 — 140; 2010 — 123 кеше. Башҡорттар йәшәй (2002). Башланғыс мәктәп (Әлкә урта мәктәбе филиалы), балалар баҡсаһы, фельдшер‑акушерлыҡ пункты, клуб бар.
Ауылға Себер даруғаһы Шайтан‑Көҙәй улусы башҡорттары үҙ ерҙәрендә нигеҙ һала, 1740 й. алып Шығанай (Шығанай Борсаҡов исеме б‑са, тип фараз ителә) исеме м‑н билдәле. 1770 й. ауылда П.С.Паллас булып киткән. 1795 й. 26 йортта 93 кеше йәшәгән, 1865 й. 33 йортта — 190 кеше. Малс‑ҡ, игенселек, умарт‑ҡ м‑н шөғөлләнгәндәр. 1906 й. мәсет, мөгәзәй теркәлгән. 1941 й. башлап хәҙ. исемен (Юлай Аҙналин исеме б‑са) йөрөтә.
Тәрж.Р.Ғ.Ғилманов