ЮЛДАШ ҠАЛАСЫҒЫ
ЮЛДАШ ҠАЛАСЫҒЫ, П е т е р ‑Т а у, б.э.т. 1‑се мең йыллыҡ уртаһы — б.э. 1‑се мең йыллыҡ уртаһы археологик ҡомартҡыһы. Илеш р‑ны Үрге Юлдаш а. төньяҡ‑көнбайышҡа табан 2,5—3 км алыҫлыҡта Сөн й. тамағында урынлашҡан. 1894 й. Ф.Д.Нефёдов тарафынан асылған, 1969 й. Б.Б.Агеев, 1970 й. А.Х.Пшеничнюк, 1972 й. С.М.Васюткин, 1971 й., 1974 й., 1978 й. В.А.Иванов өйрәнгән. Дөйөм майҙаны яҡынса 4 мең м2, 507 м2 ер ҡаҙылған. Ҡаласыҡике ур һәм соҡор, төньяҡ‑көнбайыштан түңәрәк ур м‑н һаҡланған. Торлаҡ эҙҙәре табылмаған, асыҡ усаҡ ҡалдыҡтары, хужалыҡ соҡорҙары булыуы асыҡланған. Керамика Ананьин мәҙәниәте, Пьяный Бор мәҙәниәте, Мазунин мәҙәниәте һауыттарынан ғибәрәт. Һөйәк уҡ башаҡтары, тупар балта, тишкес, балсыҡ орсоҡбаштар һәм иретеү һауыты табылған. Ҡомартҡы материалдары Археология һәм этнография музейында һаҡлана.
Әҙәб.: И в а н о в В.А. Городище Петер‑Тау (Юлдашевское) //Советская археология. 1982. №3; ш у л у ҡ. Вооружение и военное дело финно‑угров Приуралья в эпоху раннего железа. М., 1984.
В.А.Иванов
Тәрж.Д.К.Үзбәков