ҺАҠМАР‑НАҘАРҒОЛ, Хәйбулла р‑нындағы ауыл

ҺАҠМАР‑НАҘАРҒОЛ, Һ а ҡ м а р б ү р е һ е, Хәйбулла р‑нындағы ауыл, Әбеш а/с ҡарай. Район үҙәгенән К.‑Көнб. 51 км һәм Һары т. юл ст. (Ырымбур өлк.) Т.‑Көнб. табан 108 км алыҫлыҡта Һаҡмар й. буйында урынлашҡан. Халҡы: 1900 й. — 102 кеше; 1920 — 156; 1939 — 129; 1959 — 136; 1989 — 135; 2002 — 154; 2010 — 120 кеше. Башҡорттар йәшәй (2002). Башланғыс мәктәп (Әбеш урта мәктәбе филиалы), фельдшер‑акушерлыҡ пункты, клуб, мәсет бар.

Ауылға 18 б. 2‑се ярт. Нуғай даруғаһы Үҫәргән улусы башҡорттары үҙ ерҙәрендә Наҙарғол исеме м‑н нигеҙ һала. 1795 й. 12 йортта 53 кеше йәшәгән, 1866 й. Оло Арыҫланғол а. м‑н бергә Арыҫланғол а. (Наҙарғол) булараҡ иҫәпкә алынған, 50 йортта 530 кеше теркәлгән. Малс‑ҡ, игенселек м‑н шөғөлләнгәндәр. Мәсет булған. 20 б. башынан хәҙ. исемен йөрөтә. М.А.Ҡаҙаҡбаев ошо ауылда тыуған.

Тәрж. Р.Ғ.Ғилманов