ҺАМАР ДӘҮЛӘТ АРХИТЕКТУРА‑ТӨҘӨЛӨШ УНИВЕРСИТЕТЫ
ҺАМАР ДӘҮЛӘТ АРХИТЕКТУРА‑ТӨҘӨЛӨШ УНИВЕРСИТЕТЫ. Бәләбәй ҡ. филиалы 1994 й. дөйөм техника ф‑ты булараҡ асыла, 1998 й. башлап Һ.д.а.‑т.у., 2016 й. — Бәләбәй ҡ. Һамар техник ун‑ты филиалы. 3 каф., 4 лаб., 2 компьютер класы, китапханаһы һ.б. бар. Уҡыуҙы тамамлаусыларға белгес квалификацияһы, бакалавр дәрәжәһе бирелә. Уҡытыу көндөҙгө һәм ситтән тороп уҡыу бүлектәрендә йылылыҡ‑газ м‑н тәьмин итеү һәм вентиляция, ҡала төҙөлөшө һәм хужалығы, предприятиела (төҙөлөштә) иҡтисад һәм идара итеү, сәнәғәт һәм гражданлыҡ төҙөлөшө һөнәрҙәре б‑са алып барыла. Уҡытыусылар араһында 3 фән д‑ры һәм 36 фән канд. бар (2008). 900‑ҙән ашыу белгес әҙерләнгән. 2005 й. башлап 20‑нән ашыу монография, уҡыу һәм методик әсбаптар нәшер ителә. Дир.: В.И.Кузьмин (1996 й. алып), В.В.Кузьмин (2015 й. алып). Филиал бинаһы (1912 й. төҙөлгән, элекке Земство башҡармаһы) архитектура ҡомартҡыһы булып тора.
В.И.Кузьмин
Тәрж. Ә.Н.Аҡбутина