ҺЕЛӘҮҺЕН КИНЙИН
ҺЕЛӘҮҺЕН КИНЙИН, Крәҫтиәндәр һуғышында (1773—75) ҡатнашыусы, Е.И.Пугачёв полковнигы. Нуғай даруғаһының Бошман‑Ҡыпсаҡ улусы башҡорто. Кинйә Арыҫлановтың улы. Ихтилалға 1773 й. окт. ҡушыла. Ырымбур ҡ. ҡамауҙа ҡатнаша. 1773 й. көҙөндә — 1774 й. яҙында Нуғай даруғаһы халҡы араһында Пугачёвтың манифестарын тарата. Шул уҡ даруғаның көньяҡ улустары башҡорттарын Пугачёвтың Төп ғәскәренә ҡушылырға өндәй. Йәй Ҡотлогилде Абдрахманов м‑н Өфө провинцияһының Бөгөлсән а., Ырымбур провинцияһының Һаҡмар ҡаласығы янында хөкүмәт ғәскәрҙәренә ҡаршы алыштарҙа ҡатнаша. Нояб. Әлибай Мырҙағолов тарафынан ҡулға алына һәм Ҡазан йәшерен комиссияһына, артабан Мәскәүгә оҙатыла. 1775 й. 9 апр. Һ.К. Салауат Юлаев һәм Юлай Аҙналин м‑н бергә Ырымбурға килтерелә. 23 апр. иреккә сығарыла. Артабанғы яҙмышы билдәһеҙ.
Әҙәб.: Кулбахтин Н.М. Башкирские вожди Крестьянской войны 1773—1775 гг. Ч.1. Уфа, 2005.
Н.М.Ҡолбахтин
Тәрж. М.Х.Хужин
