ҺӨЙӘРҒОЛОВ Нурмөхәмәт Әлибай улы
ҺӨЙӘРҒОЛОВ Нурмөхәмәт Әлибай улы (9.2.1937, БАССР‑ҙың Стәрлебаш р‑ны Ҡабыҡҡыуыш а.), тел белгесе. Филол. ф. канд. (2004). БР‑ҙың мәғариф отличнигы (1997). БАХИ‑ны тамамлаған (1978). Әбү ән‑Нур ун‑тында уҡыған (Дәмәшҡ, 1993). 1974 й. алып Ейәнсура р‑нындағы Һаҡмар с‑зының, 1984 й. — Ишембай р‑нындағы “Ударник” к‑зының баш инженеры, 1987 й. башлап “Агропромэнерго” берекмәһенең Ишембай район пр‑тиеһы директоры. 1992 й. алып Ә.Вәлиди ис. 2‑се Башҡорт респ. гимназия‑интернаты (Ишембай ҡ.) уҡытыусыһы, 1995 й. Иордания ун‑тында (Амман) эшләй. 2007—12 йй. БДУ‑ның Стәрлетамаҡ филиалында уҡыта. 10‑ға яҡын фәнни хеҙмәт, ш. иҫ. ғәрәп теле б‑са дәреслек һәм уҡыу әсбабы, Ҡөрьәнде өйрәнеү б‑са методик ҡулланма авторы. Ҡөрьәнде башҡорт телендә нәшер итеүгә әҙерләүҙә ҡатнаша (1993; “Ҡөрьән‑Кәрим”; 2009 й. ҡабаттан баҫтырып сығарыла). БР‑ҙың Салауат Юлаев ис. Дәүләт пр. лауреаты (1994).
Х е ҙ м.: Европейская коранистика и башкирский перевод Корана. Уфа, 2003.
Тәрж. Ә.Н.Аҡбутина