ҺӘЛӘҮЕК, йылға

ҺӘЛӘҮЕК, йылға, Ағиҙел й. уң ҡушылдығы. Ишембай р‑ны Әсеялан а. төньяҡ‑көнсығышҡа табан 5 км алыҫлыҡта башлана. Шул уҡ район буйлап көнсығыштан көнбайышҡа ҡарай аға, Ураҙбай а. эргәһендә төньяҡ‑көнбайышҡа борола. Ағиҙел й. (тамағынан 732 км алыҫлыҡта) ҡоя. Оҙонлоғо 85 км, басс. майҙаны 730 км². Туйыныуы ҡатнаш. Ландшафы үрге ағымында убалы‑арҡалы тауҙарҙан тора, һоро урман тупрағында киң япраҡлы урмандар үҫә, түбәнге ағымында көлһыуланған ҡара тупраҡтағы ҡоро болондарҙан һәм төрлө үләнле‑ҡылғанлы далаларҙан ғибәрәт. Басс. 50%‑ын урман ҡаплаған. Иң ҙур ҡушылдыҡтары: Хажы Шиҙеһе, Шиҙе, Бишағас, Бирҙешле (бөтәһе лә — уң).

В.А.Загорский

Тәрж. А.Н.Күсеев