ШАЙДАКОВ Владимир Владимирович
ШАЙДАКОВ Владимир Владимирович (17.10.1955, Черниковск ҡ., хәҙ. Өфө эсендә), инженер‑механик. Техник ф. д‑ры (2005). ӨНИ‑не тамамлағандан һуң (1978) “Башнефть” ПБ‑нда эшләй. 1979 й. алып ӨНИ‑лә: 1987 й. — “Азимут” ҒПП‑нда өлкән ғилми хеҙм‑р, 1989 й. — бүлек мөдире, 1991 й. — ген. дир. урынбаҫары. 1993 й. башлап “Диапазон” ЯСЙ, 1997 й. — “Инкомп‑нефть” ЯСЙ (икеһе лә — Өфө) дир., бер үк ваҡытта 1995 й. алып (өҙөклөктәр м‑н) ӨДНТУ‑ла, 2015 й. — ӨДАТУ‑ла уҡыта. Фәнни эшмәкәрлеге нефть һәм тәбиғи газ сығарыу проблемаларына арналған. Ш. етәкс. промысла мөхиттәрен физик‑химик эшкәртеү б‑са тикшеренеүҙәр үткәрелә, ҡатмарлы шарттарҙа нефть һәм газ сығарыу технологиялары, магнит ярҙамында эшкәртеү аппараттары, химик реагенттарҙы ебәреү өсөн капилляр системалар, “йөҙгөс” системалары булған турбиналы бырауҙар, туҙыуға сыҙамлы резиналар рецептураһы, экологик мониторинг өсөн мобиль станция һ.б. эшләнә. 250‑нән ашыу фәнни хеҙмәт һәм 60 уйлап табыу авторы.
Хеҙм.: Свойства и испытания резин. М., 2002; Осложнения в нефтедобыче. Уфа, 2003 (авторҙ.); Полимерные армированные трубопроводы в современных гидравлических системах. М., 2018 (авторҙ.).
К.В.Чернова
Тәрж. Р.Ғ.Ғилманов