Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЮЛЫЕВ Батыргәрәй Ғабдулмөхәмәт улы

Просмотров: 504

ЮЛЫЕВ Батыргәрәй Ғабдулмөхәмәт улы [18.8.1861, Ырымбур губ. Верхнеурал өйәҙе Бөрйән улусы Йәрмөхәмәт а. (БР‑ҙың Баймаҡ р‑ны) — 1915, Ырымбур губ. Орск өйәҙе 1‑се Этҡол а. (БР‑ҙың Баймаҡ р‑ны)], этнограф, тыуған яҡты өйрәнеүсе. Өфө­ ир­ балалар­ гимназияһын­ тамамлаған. Өфө губернаһында, 1891 й. алып 1‑се Этҡол а. уҡытыусы булып эшләй, унда урыҫ‑башҡорт мәктәбенә нигеҙ һала. Башҡорттарҙың фольк­лорын, этнографияһын тикшереү, легендалар,­ хикәйәттәр, ­риүәйәттәр йыйыу һ.б. м‑н шөғөлләнгән. “К этнографии башкир” (“Башҡорттарҙың этнографияһына ҡарата”; 1892) хеҙмәтендә көньяҡ‑көнсығыш башҡорттарының туй­йолаларын һүрәтләгән. Беренсе­ Этҡол­ урта­ мәктәбе­нә­ уның исеме бирелгән.

Х е ҙ м.: Аждаха‑змей в рассказах башкир Этнографическое обозрение. 1892. №2—3; Башкирские батыры Кабанбай и Узянбай Ш у н д а  у ҡ. 1899. №3.

Р.И.Үтәғолов

Тәрж.­М.Х.Хужин

Дата публикации: 10.10.2019
Дата последнего обновления публикации: 12.11.2019