ЮРМАТАУ, Башҡортостан (Көньяҡ) Уралындағы һырт
ЮРМАТАУ, Башҡортостан (Көньяҡ) Уралындағы һырт. Белорет р‑ны буйлап Кесе Нөгөш й. башының киңлегенән алып Серәкәй й. (Ағиҙел й. басс.) киңлек бүлеменә тиклем субмеридиональ йүнәлештә һуҙылған. Оҙонлоғо яҡынса 25 км, көньяҡ өлөшөнөң киңлеге 4—5 км, төньяҡ өлөшөнөң — 10 км тиклем, абс. бейеклеге 854 м. Бейеклеге 570—854 м булған 10‑ға яҡын түбәһе бар (Кесе Юрмаш, Юрмаш тауҙары). Рельефы тәпәш тауҙарҙан тора, йылға үҙәндәре һәм уйһыулыҡтар м‑н йырғыланған; битләүҙәре текә, түбәләре көмбәҙгә оҡшаған. Төньяҡ‑көнбайыш өлөшөндә армыт — Оло Юрматау һырты урынлашҡан. Урта рифейҙыңюша (күмерле һәүерташтар, ҡомташтар), егәҙе‑комаров (күмерле, хлорит‑кварцлы һәүерташтар) һәм биктимер (алевролиттар, аргиллиттар, кварцлы ҡомташтар) свиталары тоҡомдарынан ғибәрәт. Һыртта Нөгөш й. һәм уның бик күп ҡушылдыҡтары башлана. Ландшафы һоро тау‑урман һәм кәҫлекөлһыутупраҡтарҙағы ҡайын, ҡарағай һәм ҡарағас урмандарынан тора.
И.М.Япаров
Тәрж. Р.Ғ.Ғилманов